Gaur eguerdiko 12:00ak arte luzatuko da haize-bolada bortitzengatik emandako abisu horia. Gerta daitezkeen intzidientziei aurre egiteko Babes Zibilako taldea aktibatu da eta Obrak, Mantentze eta Azpiegituren arloak eta Udaltzaingoak abisu horiaren bilakaeran adi egongo dira. Euskalmet Euskal Meteorologia Agentziak eta Eusko Jaurlaritzako Larrialdiei Aurre Egiteko eta Meteorologiako Zuzendaritzak emandako abisuaren bilakaera jarraitzen ari dira horretarako.
Euskalmeten iragarpena jarraituz, abisu haizeteagatik abisu horia atzo arratsaldeko 21:00etan aktibatu zen. Abisu horia haizeagatik haizeguneetan ostegun honetako, urriaren 23ko, ordu lokaleko 6:00etatik 11:59etara. Mendebal/ipar-mendebaldeko haize-boladek 100 km/h-ko abiadura gaindi dezakete haizeguneetan. Haizeguneak ez diren lekuetan, boladak 80 km/h ingurukoak izan daitezke.
Euskalmeten gomendioak
Horrez gain, Euskalmetek gomendio hauek ematen dizkie herritarrei, gaurko haizeteei aurre egiteko:
- Ateak ixtea eta leiho eta toldoak finkatzea.
- Loreontziak eta kalera eror daitekeen objektu oro barrura sartzea.
- Aipatutako orduetan mendira ez joatea eta, behar-beharrezkoa bada, dagozkion neurriak hartzea.
- Erlaitz, horma eta zuhaitzetatik eta publizitate hesietatik urrutiratzea eta lanak egiten ari diren edo egoera txarrean dauden eraikinen aurrean neurriak hartzea.
- Aldamio eta garabiak eta lanak egiteko beste elementu batzuk finkatzea.
- Ahal dela errepidetik ez bidaiatzea eta dagozkion neurriak hartzea.
- Nor nora doan edo nondik pasatuko den, bertako eguraldiaz informatzea.
- Haize zakarrak sortzen dituen itsasaldi eta olatuetatik urrutiratzea.
- Itsasontzirik ez erabiltzea, amarrak finkatzea.
- Ur-kiroletan ez aritzea.
Irungo Babes Zibiletik adierazi dutenez, honako egoera hauetan emango da arreta:
- Garabi-luma bidezko eraikuntza-obrak.
- Teilatuak eta/edo terrazak, estalkiak eta abar eraberritzeko obrak.
- Ageriko eremuetako obrak.
- Jendearentzako agertokia eta/edo karpa duten ekitaldiak.
- Jende-kontzentrazioak ageriko eremuetan.
- Ostalaritzako konkurrentzia publikoko terrazak.
- Eraikin abandonatuak edo erdi-abandonatuak.
- Hormak egoera txarrean daude, eta erortzeko arriskua dago.
- Egoera txarrean dauden eta erortzeko arriskua duten estalkiak.
- Kanpoko publizitate-kartelak.
- Zuhaitz-eremuak.
SMS bidezko alerta-sistema
Udaltzaingoak zerbitzu bat eskaintzen die herritarrei, SMS bidez alerta bat jaso dezaten muturreko eguraldiagatik edo beste arrazoiren bategatik larrialdiren bat dagoenean. Zerbitzua doakoa da, eta izena ematen dutenek SMS bat jasotzen dute mugikorrean larrialdi bat dagoenean: euriteak, haizeteak, hotz-boladak edo elurteak, basoetako suteak, gai kimikoen edo salgai arriskutsuen istripuak edo bestelakoak.
Alerta larria bada, SMS abisuak automatikoki igorriko dira, baita izena eman ez dutenei, arrisku-eremuan erroldatuta dauden eta Udalaren informazio-sisteman telefono mugikorra erregistratuta duten pertsona guztiei. SMS bidezko alerta-sisteman izena eman nahi baduzu, egin klik hemen.
