Ficobak, erronka gisa, kolektiboki adimentsuagoa den erakunde bat izatea ezarri du, azokaren moduko sektore heldu batean, duela urte askotatik antzeko prozesuak daramatzana.
Hori lortzeko, Adimen Artifizialean oinarritutako tresna bat garatu du, bere jarduerari buruzko datuetan oinarrituta baliozko informazioa lortzeko. Ficobak 18 urteko ibilbidean eta etorkizunean lortuko direnetan biltzen du informazio hori.
Azoken eta ekitaldien sektorean, informazio baliotsuenetako bi dira ekitaldi batera zenbat pertsona joango diren eta hurrengo azokan zenbat erakusketari errepikatuko dituzten jakitea. Azoka sektorearen negozioan eragin zuzena duten bi parametro. Lehenengoak segurtasunarekin, aparkalekuarekin, edukierarekin eta abarrekin lotutako prozesuen plangintza errazten du. Bigarrenak, berriz, merkataritza lana optimizatzea ahalbidetzen du, baliabideak modu eraginkorragoan banatzen.
Emaitzak eta metodologia
Etorkizuneko ekitaldietan errepikatuko dituzten erakusketarien iragarpenari dagokionez, ekitaldiak eta azokak antolatzeko datu historikoetatik abiatu da, eta azoketako parte hartzea iragartzeko sistema bat ezarri da, neuronasare bat entrenatuz.
Erakusketarien parte hartzearen iragarpenak % 87ko fidagarritasuna lortu du. Oso datu ona, kontuan hartuta aurretik erabilitako iragarpen sistemak, inkesta tradizionaletan oinarrituta, % 30eko fidagarritasun gutxiago zuela.
Ekitaldietara bertaratzea iragartzeko kurbari dagokionez, sare neuronal rekurrenteak erabili dira, testuinguru datuekin hornitu direnak, hala nola datak, klimatologia eta abar, eta ikaskuntza fasean % 79ko emaitza oparoak lortu dira.
Etorkizunean, ferIA funtzionaltasunak gehitzen jarraituko du, hala nola, ekitaldi baten arrakasta maila iragartzea, zenbait parametroren arabera: ekitaldi mota, bisitari kopurua, erakusketari kopurua eta abar.
Soluzioaren barne garapenaren lehen fase hori gainditu ondoren, Ficoba harremanetan jarriko da kanpoko eragileekin, ekitaldien sektorerako software espezifiko hori garatzeko.
Informazioa Adimen Artifizialarekin tratatzeko tresna honen garapena Ficobak bere jardueran digitalizazioaren ahalik eta etekin handiena lortzeko abiatu duen digitalizazio estrategiaren barruan kokatzen da.
