Bidasoaldeko Nazioarteko Gazteen Folklore Jaialdiaren egitaraua.
Antolatzailea: Eraiki Dantza Taldea
Uztailak 24 Irun
- 21:00 Kalejira Udaletexeraino.
21:30 Irungo Udaletxean harrera ofiziala.- 22:00 Kalejira Zabaltza enparantzaraino.
- 22:30 Jaialdiaren inaugurazioa Zabaltza Enparantzan.
- – Folk Dance Club Dobruja, Bulgaria
- – Miras Children Dance Ensemble, Kazan, Tatarstan, Errusia.
- – Yuan Yuan Dancing Group, Taiwan.
- – Eraiki Dantza Taldea, Irun
Uztailak 25 Irun
- 13:00 Desfilea: Antzaran – San Juan – Zabaltza.
Uztailak 26 Hondarribia
- 19:00 Desfilea Hondarribiko kaleetan zehar.
- 22:30 Dantza emanaldia Maria Madalenan.
Uztailak 27 Irun
- 11:00 Talde guztien dantza tailerra Zabaltza enparantzan.
Uztailak 28 Irun
- 19:00 Jaialdiaren amaiera Amaia KZn.
Uztailak 29 Bera
- 20:00 Emanaldia Eskolako Frontoian.
Miras Dantza Taldea. Errusiako tartaroak
Miras gazte dantza taldeak Davliat Oumerov du zuzendari artistiko, eta Ilnar Safin, biolin-jole nagusi.
Talde honek eskaintzen digun folklorea Errusian bizi diren tartaroen talde etniko zenbaitena da. Haiek sortutako dantza eta kantu guztiek Errusiako zonalde hartako folklorea dute oinarri. Horrexegatik, haien orkestra akordeoiak, perkusioak, flautak, domras eta balalaikek osatzen dute.
Eskainiko dizkiguten emanaldi folklorikoen dantzak probintzia desberdinetakoak dira, adibidez: Astrakhan (Kaukasotik gertu), Krimea eta Kaybitsky. Dantza horietan baserri giroko eguneroko gauzak erakutsiko dizkigute; besteak beste, animalien imitazioak, neska eta mutilen arteko harremanak, artzaintza eta abestiak.
Eraiki. Irun
Taldea Behobia auzoko gazte talde batek 1978. urtean sortua da.
Hasieratik kulturaren alde lan egiteko helburua izan du, tradiziozko dantzak erreminta moduan baliaturik eta taldearen inguruan dauden familiak eta lagunak inplikatuz. Denon artean, Eraiki Irungo eskaintza kulturaleko erreferente bihurtu dute.
Eraiki 100 dantzariz osatuta dago. Euskal dantza tradizionalak irakasteaz gain, taldekideei tokian tokiko ohiturak ere ezagutarazten zaizkie. Horretarako, irteerak antolatzen dira tradiziozko dantzak mantentzen dituzten Euskal Herriko hainbat herritara.
Halaber, asteburuko txangoak antolatzen dira, haurren arteko elkarlana eta elkarbizitza bultzatuaz.
Yuan Yuan Dantza Taldea. Taiwan
Talde hau Zhanghau probintziako hoberenetarikoa da. Horrexegatik, 2006. eta 2011. urteen bitartean hauxe izan da bertako gobernuaren ordezkari.
Txina eta Taiwango dantza folklorikoak mantentzeaz gain, bertako arte folklorikoa lantzen dute, beste korronte artistikoekin nahasiz errepertorio aberatsa eta ugaria eskaintzeko asmoz.
Hain da famatua taldea ezen nazioarteko jaialdi ugaritan parte hartzeko aukera izan baitu; besteak beste, Frantzia, Makao, Portugal, Espainia, AEB eta Txinako hainbat eskualdeetan (Beijing, Xianmen eta Yunan).
Dobrudja Dantza Taldea. Bulgaria
Taldea, 6-25 urte bitarteko 200 dantzariz osatua dago; adinaren arabera talde ezberdinetan banaturik daudenak.
Eskainiko dituzten dantzak, beren herriko hainbat etniatakoak dira, beraien kultura zein aberatsa den erakusteko asmoz. Aipatzekoa da, baita ere, taldeak urtetik urtera errepertorioa berritzen duela.
Bestalde, hainbat herrialdetan egindako ekitaldietan arrakasta handia lortu dute. Besteak beste, herrialde hauetan ibiliak dira: Alemania, Italia, Mazedonia, Herbehereak, Ingalaterra, Finlandia eta Espainia. Gainera, jaialdi askotan sariak jaso dituzte, folklorearen kontserbazioan egindako lan bikainagatik.
