Datorren asteartean, otsailaren 24an, Ficoba kolorez, motorrez eta elkartasunez beteko da. Goizeko 7:00etatik 11:30era bitartean, 450 Twingo autok kontrol tekniko eta administratiboak pasatuko dituzte. 11:45ean, berriz, probari irteera ofiziala emango zaio Marrakecherako bidean. Guztira, 900 parte-hartzaile baino gehiagok 4.000 kilometro egingo dituzte Twing Raid ekimenaren barruan; abentura eta konpromiso soziala uztartzen dituen rally solidarioa da.
Irteera bereziki ikusgarria izango da: 450 ibilgailu batera abiatuko dira Ficobako kanpoko aparkalekutik. 10 egunez, parte-hartzaileek 1.000 kilo baino gehiago elikagai eta higiene produktu eramango dituzte, Marokon banatzeko, Restos du Coeur ekimenari esker. Gainera, 500 ikasle baino gehiagorentzat eskola-materialeko kitak entregatuko dira.
Aparkalekuaren itxiera
Twing Raid rally solidarioaren irteera dela eta, Ficobako aparkalekua itxita egongo da otsailaren 24an, asteartean, goizean zehar. Aparkalekua egun bereko 16:00etatik aurrera egongo da berriro erabilgarri.
