Pinudiko Auzo Elkarteak auzoko bazkari herrikoia antolatu du datorren irailaren 19rako Rantxoan, eguerdiko 14:30etik aurrera. Auzotarren arteko elkarbizitza eta giro ona sustatzea helburu duen ekimen honek plaza mugatuak izango ditu, eta otorduaz gain, zuzeneko musika zein bingo saioa ere eskainiko dira bertaratutakoentzat.
Parte-hartzaileek bi menu motaren artean aukeratu ahal izango dute. Helduen menuak, 28 euroko prezioan (BEZa barne), entsalada mixtoa, txorizoa sagardoarekin, odolki errea piperradarekin, egur-ikatzean erretako oilaskoa eta gazta tarta hartzen ditu, ogia, ura, kupelako sagardoa, ardoa eta kafearekin batera. Bestalde, haurren menuak 13 euroko prezioa du (BEZa barne), eta makarroiak boloñesa erara, txitxi-burruntziak eta txokolatezko browniea eskainiko ditu, ogi, ur eta fruta-zukuarekin.
Izen ematea
Izena emateko epea iraileko lehen egunetan zabalduko da Pinudiko Auzo Elkartearen egoitzan. Bertaratu nahi dutenek irailaren 1, 3, 7 eta 10ean egin ahal izango dute inskripzioa, arratsaldeko 18:30etik 20:00etara bitarteko ordutegian. Antolatzaileek gogorarazi dute ordainketa esku-dirutan egin beharko dela izena ematen den unean bertan.
