Gazteria arloak, GazteARTEan, antolatuta, datorren ekainaren 13an, larunbata, Irungo familiek paddle surfa egin ahal izango dute, udarako jarduera dibertigarri batez gozatuz. Ekimen hau Familia ta Lagun programaren barruan kokatzen da. Programaren helburua familiaz gozatzeko espazio bat eskaintzea da, hainbat jardueren bidez. Ekintza 10:30etik 12:30era izango da, eta Hondarribiko hondartzan izango da.
Tailerrera joan nahi duten familiek izena eman beharko dute bihar ostiraletik, hilak 5, datorren asteazkenera, hilak 10, arte, edota lekuak bete arte, udal webgunearen bidez. Hauek aurreikusitako bi txandetan egin ahal izango dira. Gomendatutako adina jardueran parte hartzeko 6 urtetik gorakoa da.Jarduerak irauten duen bitartean, uretako abenturaz gozatu ahal izango dute parte-hartzaileek. Esperientzia hau familian ondo pasatzeko diseinatuta dago, kirola eta natura uztartuz.
Familia ta Lagun
4 eta 11 urte bitarteko umeei eta haien familiei zuzendutako programa da hau, eta helburua familian aisialdiaz gozatzeko espazio bat sortzea da, hainbat jarduera sortzaile, dibertigarri eta hezigarriren bidez (ur-kirolak, yoga, familychef, bizikleta-ibilaldiak, etab.).
Tailer honekin, Familia ta Lagun programari amaiera ematen zaio ikasturte honetan, familian sormen, partaidetza eta gozamenez beteriko denboraldiari agur esanez.
