Datorren irailaren 19an eta 20an, Ficobak ExpOtaku Irun 2026 ekitaldia hartuko du, manga, anime, bideo-joko, cosplay eta Japoniako kulturaren zaleentzako topagune nagusia. Asteburu osoan zehar, azoka-esparruak hainbat gunetan banatutako jarduera parte-hartzaileen programa zabala eskainiko du, publiko mota guztiei zuzenduta. Proposamen aipagarrienen artean daude cosplay zein karaoke lehiaketak, Bodas Frikis ekimena, ramen pikantearen erronkak, Dokkaebi Team taldeak bideratutako K-pop gunea eta tradiziozko Matsuri eremua, omikuji zorte-kontsultarekin eta yukata jantziekin argazkiak egiteko gunearekin.
Bideo-jokoen atalean, joko libreko zein lehiaketako guneak egongo dira, hala nola FC 26, Tekken 8, Mario Kart World, Dragon Ball: Sparking! Zero edo Pokémon Escarlata y Púrpura bezalako tituluekin. Horrez gain, bertaratzen direnek azken belaunaldiko kontsolak eta platformak probatu ahal izango dituzte, Nintendo Switch eta Nintendo Switch 2tik hasi eta PlayStation VR, PS5 edo Xbox Series X|S kontsoletaraino. Egitaraua osatzeko, manga zein anime ezagunenetan inspiratutako sormen-tailerrak (yokai maskarak, One Piece, Jujutsu Kaisen…), mahai-jokoen ludoteka eta trivial erraldoia ere prestatu dira.
ExpOtaku larunbatean 10:00etatik 21:00etara egongo da zabalik, eta igandean 10:00etatik 20:00etara. Sarreren prezioa 12 eurokoa da egun baterako eta 22 eurokoa bi egunetarako bonurako, lau urtetik beherako haurrek doako sarrera dutelarik. Egitarau osoa eta informazio xehatua azokaren webgunean eskura daiteke.
