San Marcial kirol klubak kimu eta benjamin mailako III. Ricardo Gómez Torneoa antolatzen du apirilaren 3tik 6ra. Aurreko bi edizioetan bezala, izaera solidarioko txapelketa izango da. Aurten klubak Mowat Wilson Elkartearekin lan egingo du, “gaixotasun arraro” gisa kalifikatutako sindrome bat ikusarazi nahi baitu, eta, horretarako, 2 euroko prezioa izango du sarrerak eta irabaziak elkartearentzat izango dira. Bertaratzen direnek arratsaldez klubak antolatutako zozketan parte hartzeko zenbakiak jasoko dituzte sarrerarekin batera.
III. Ricardo Gómez Torneoan, Irungo San José Obrero egoitzan, Euskadi, Nafarroa, Kantabria, Aragoi eta Andorrako 31 klubek eta 67 taldek hartuko dute parte, lau kategoriatan banatuta – bi benjamin (2015 eta 2014) eta bi kimu (2013 eta 2012) –.
Txapelketa hilaren 3an hasiko da, goizez, 09:00etatik aurrera, eta 2014ko 10 talde benjaminek parte hartuko dute (San Marcial 3, Real Unión 2, Hondarribia, Mariño, Landetxa eta Behobia). Bost taldeko bi multzotan banatuta egongo dira, eta multzo bakoitzeko lehen bi sailkatuak sartuko dira finalaurrekoetara, eta, horietako irabazleak, 12:40an programatutako finalera.
Arratsaldean, 14:00etatik aurrera, 2015eko 8 talde benjaminen txanda izango da (San Martzial eta Hondarribiaren 2, Real Union, Mariño, Landetxa eta Behobiarekin batera). Talde bakoitza lau taldeko bi multzotan banatuta egongo da. Lehenengo bi sailkatuak finalerdietara sartuko dira, eta irabazleak, berriz, 16:20rako aurreikusitako finalera.
Ostegunean, hilak 4, 2013ko 16 kimu taldeen txanda izango da (Reala, Osasuna, Real Union, Vasconia, Arrrupe Chaminade, Behobia, Billabona, Comillas, Danena, Ermua Blues, Hondarribia, Kostkas, Landetxa eta San Martzial taldeko hiru taldeak). Lehen fasea 09:00etan hasiko da eta, sailkapenaren arabera, taldeek arratsaldean jokatuko dituzte urrezko, zilarrezko edo brontzezko faseak. Finala 19:20an jokatuko da.
Ostiralean, hilak 5, eta larunbatean, hilak 6, jokatuko dute 2012ko 33 talde alebinek (Reala, Osasuna, Andorra, Huesca, Comillas, Laurus, Real Union, Amaya, Ermua Blues edo San Martzial, besteak beste). Aldez aurreko fase bat egongo da. Ostiralean hasiko da, 09:00etan, eta 24 taldek hartuko dute parte, seiko lau multzotan banatuta. Lau multzo bakoitzeko txapeldunak eta hiru bigarren onenak larunbatean sartuko dira Txapeldunen Fasera. Bederatzi talde daude sailkatuta fase horretarako, eta azken 16 parte-hartzaileak lauko lau multzotan banatuko dira. Txapeldunen Faseko partidak 09:00etan hasiko dira jokatzen, eta arratsaldean, berriz, final-laurdenetako kanporaketak, finalerdiak eta finala.
III. Ricardo Gomez Torneoari buruzko informazio guztia, partidak eta emaitzak webgune honetan kontsulta daitezke.
