Txanaleta plazan kokatutako Isuri Gutxiko Eremuari (IGE) buruzko informazio-puntuak 275 kontsulta erregistratu ditu guztira uztailaren 6tik irailaren 30era bitartean. Irungo Udalak gardentasuna bermatzeko eta etorkizuneko IGEren ezarpen zein ordenantzaren inguruko zalantzak argitzeko jarritako zerbitzu honetan.
Herritarren galdera nagusiak eremuaren aplikazio-esparruaz, garajeetarako sarbideaz, ibilgailuen ingurumen-bereizgarriez eta etiketa bakoitzaren inplikazioez izan dira. Profilari dagokionez, interes gehien erakutsi dutenak 36 eta 65 urte bitarteko pertsonak (% 58) eta 65 urtetik gorakoak (% 38) izan dira; erabiltzaileen % 68 gizonak eta % 32 emakumeak izan dira, eta gehienak (% 73) irundarrak.
Udalaren helburua izan da herritarrei zuzeneko informazio-espazio bat eskaintzea ordenantzaren hasierako onarpenaren ondorengo fasean. Erakusketa publikoaren epea jada amaituta dagoenez, udalak jakinarazi du hurrengo urrats nagusia Isuri Gutxiko Eremuaren ordenantza datorren azaroan behin betiko onartzea izango dela, hirian ingurumen-babeseko eremu hau ezartzeko prozesuan aurrera eginez.
