Gaur, martxoak 25, euskararen aldeko martxa handiak eskualdea zeharkatu du goizaldeko lehen orduetatik aurtengo edizioan bigarren aldiz, komunitatearen babes sendoa jasoz. Goizeko 05:00ak aldera ekin dio ibilbideari hirian, Santiago zubia zeharkatu ostean, Ficoban, Irungo Mendizaleen eskutik, eta handik hiriko erdialdera jo du Il Capo (05:09) , Irungo Udala (05:13) eta Legia kaleko tabernen (05:16) kilometroak igaroz, Bidasoko GKSk Topo geltokian lekukoa hartu duen arte.
Ondoren, Korrika Hondarribian murgildu da, herriko txoko guztietara euskahalduntzea eramanez. Goizeko 05:27an Mendelura iritsi da Hondarribia Futbol Elkartearekin , eta hortik aurrera elkarte eta eragile ugarik hartu dute lekukoa: Psilocybe Musika Elkarteak (05:29) , Baratzak Bizirik!! taldeak (05:32) , Zumardikoak Kultur Elkarteak (05:36) eta EAJ-PNVk (05:39). Udaletxean Hondarribiko Udalak hartu du lekukoa 05:41ean , eta jarraian Ama Guadalupekoa Ikastetxea (05:43) , Abotsanitz (05:45) , Olagarro K.E. eta Jaizkibel Konpainia (05:48) zein Blagan Euskara Taldea (05:50) aritu dira lasterketan.
Hondarribiko azken tartean, kirol eta itsas munduko eragileak izan dira protagonista: Harresi Boleibol Kluba (05:52) , Hondarribia Arraun Elkartea (05:54) eta Done Pedro Itsas Gizonen Kofradia (05:56). Mugiri Kultur Elkarteak (05:58) , Talaia Eskolak (06:01) eta Emeki Emakume Elkarteak (06:03) bidea egin dute EH Bildu Hondarribiari (06:05) eta Amute Auzo Elkarteari (06:08) lekukoa emateko. Eskualdeko enpresek ere, Eguia Banaketak SL (06:10) adibidez , eta Betti Gotti elkarteak (06:14) babestu dute ekimena.
Irun agurtuz
Azkenik, Korrika Irunera itzuli da bere ibilbideari amaiera emateko gurean. Hirubidek (06:17) eta Bidasoako Osakidetzak (06:22) Puiana inguruan eraman dute lekukoa, ondoren Txingudi Ikastolak (06:27) eta Bidasoko Suhiltzaileek (06:32) jarraitzeko. Goizeko 06:40an, Pio Baroja BHI-ko kideek osatu dute azken kilometroa, euskararen martxa hurrengo herrietara agurtuz giro paregabean.
