Bidasoa kirol klubak jardunaldi solidario bat antolatuko du datorren abenduaren 12rako, ostiralerako, Gipuzkoako Gurutze Gorriarekin batera. Jardunaldia Artaleku kiroldegian izango da, Gurutze Gorriko Gazteriaren eskutik antolatutako “Jostailu Hezitzailea” kanpainaren baitan. Proiektu honen helburua da jolaserako eskubidea bermatzea eta haur, nerabe eta gazteen garapen integrala sustatzea, bereziki egoera sozial edo ekonomiko ahulean daudenena.
Partiduan zehar, bertaratzen direnek aukera izango dute jostailu berriak emateko, ondoren Bidasoa eskualdeko adingabeei banatuko zaizkienak. Gainera, partiduko atsedenaldian, ohiko pelutxeen euria egingo da Artalekuko pistaren gainean, une hori ekintza sinboliko eta dibertigarri bihurtuz, eta ikusleek haur zaurgarrienei ematen dieten babesa agerian utziz.
Jostailuak berriak izatea eskatzen da, ez belikoak, ez sexistak eta hezigarriak, errespetu- eta lankidetza-jarrerak sustatzeko, balio sozialak transmititzen dituzten elementuak direlako. Horrez gain, ingurumen-inpaktu txikiagoko materialekin egindako jostailuen donazioa bultzatzea bilatzen da, jasangarritasunarekiko sentsibilitatea sustatuz.
Elkarlanerako proiektua
Klubetik, zale guztiak gonbidatu dituzte ditugu ekimen honetan parte hartzera, kirolak ere elkartasunerako eta behar gehien dutenak babesteko motor izan daitekeela erakutsiz.“Oso eskertuta gaude Bidasoa kirol klubaren inplikazioagatik eta babesagatik. Lankidetza honek indarra ematen digu eta behar gehien duten pertsonei laguntzen jarraitzeko aukera ematen digu, eta Bidasoa eskualdeko familiekin egiten dugun lanari sostengu handia dakar”, azpimarratu du Nahia Palaciosek, Gipuzkoako Gurutze Gorriko Gazteriaren zuzendariak.
Bestalde, Bidasoa Kirol Elkarteko presidenteak, Gurutz Aginagaldek, Gurutze Gorriarekin lankidetza berri honek duen garrantzia nabarmendu du: “Klubarentzat beti da sentikorra eskualdean egiten den edozein gizarte-ekintzarekiko”. Bidasoako lehendakariak gogoratu du, hau ez dela lehen aldia Gurutze Gorriarekin elkarlanean aritzen direna eta, beraz, plazera dela berriro ere Gurutze Gorriarekin elkarlanean aritzea. “Bidasoak beti egongo da behar dutenen ondoan eta beti egongo da Bidasoa kirol klubaren laguntza behar duen edozein elkartekiko eskuragarri”.
