Larunbat honetan, apirilaren 25ean, estatuko taldekako txapelketarik garrantzitsuena itzuliko da: Kluben Liga. Apiriletik ekainera bitartean hiru jardunaldi jokatuko dira, eta Espainiako klub indartsuenak euren helburuak lortzeko lehiatuko dira, dela ligako titulua bereganatzeko, mailaz igotzeko edota kategoria mantentzeko. Gure bi taldeak maila desberdinetan arituko dira: neskak Ohorezko Mailan eta mutilak Lehen Maila Nazionalean. Biek ala biek helburu bera dute buruan: ondo hastea ekaineko jardunaldi erabakigarrira ahalik eta posturik onenean iristeko.
Emakumezkoen Ohorezko Maila
Super Amara BATeko emakumezkoen taldeak Bartzelonako Serrahima estadioan ekingo dio denboraldiari. Bertan, Diputación Valencia C.A., AA Catalunya eta Tenerife CajaCanarias taldeen aurka neurtuko dituzte indarrak. 2025ean, bigarren urtez jarraian, neskak ligako finalean sartu ziren, herrialdeko zortzi klub onenen artean sailkatuz. Lehen jardunaldi honetarako erronka bigarren postua lortzea da, horrela bigarren jardunaldiari berme eta lasaitasun handiagoz aurre egin ahal izateko. Jardunaldia parekatua eta zorrotza izango denez, puntu bakoitzak garrantzi handia izango du.
Hauek dira larunbatean taldea defendatuko duten atletak:
- Abiadura: Irati Gomez (Ezkerraldea filiala) eta Carla Arwen (100m); Noa Sevilla eta Laia Olascoaga (200m); Alaine Aguerralde eta Alazne Etxebarria (400m).
- Distantzia erdia eta luzeak: Laura Etayo eta Junkal Etxegaray (800m); Isra Rahali eta Marta Maza (1500m); Douae Ouboukir eta Marta Maza (3000m).
- Hesiak: Uxia Pereira eta Elsa de la Cruz (100m hesiak); Irune Martin eta Alazne Garrido (400m hesiak).
- Oztopoak eta martxa: Douae Ouboukir eta Sara Mancisidor (3000m oztopo); Nerea Parreño eta Nara Pastor Marin (5km martxa).
- Jauziak: Naia Llorente eta Noa Garcia (altuera); Maialen Miera eta Zuriñe Celis (hirukoa); Olaia Becerril eta Zuriñe Celis (luzera); Aslyn Quiala eta Elsa de la Cruz (pertika).
- Jaurtiketak: Arielle Ngole eta Goizane García (pisua); Arielle Ngole eta Raquel Villa (diskoa); Noa Esteban eta Marta Mancebo (xabalina); Lissette Arreaga eta Goizane Garcia (mailua).
- Erreleboak: 4x100m (Carla, Irati, Laia eta Olaia) eta 4x400m (Alazne, Alaine, Alazne eta Noa).
Gizonezkoen Lehen Maila
Gizonezkoen taldeak, 2025ean Ohorezko Mailara igotzeko sailkatu ondoren, berriz ere onenen artean sartzeko erronkari egin beharko dio aurre. Helburu nagusia hirugarren jardunaldian igoera borrokan aritzeko moduan egotea da. Larunbat honetan Manresan lehiatuko dira Lque Esport Menorca, Avinent Manresa eta Hiru-Herri taldeen kontra.
Gizonezkoen taldea honako atletok osatuko dute:
- Abiadura: Alex Garcia-Gasco eta Iker Piñeira (100m); Lander Chasco (La Blanca filiala) eta Alejandro Per (200m); Seckou Sissoko eta Urko Navarro (400m).
- Distantzia erdia eta luzeak: Alai Cabello eta Iker Anglada (800m); Julen Mendoza eta Ander Anglada (1500m); Ander Aramendi eta Unai Arroyo (3000m).
- Hesiak: Rafa Caseau eta Jon Gajate (110m hesiak); Eñaut Arburua eta Jon Andiano (400m hesiak).
- Oztopoak eta martxa: Lukas Cabezón eta Mikel Aramendi (3000m oztopo); Rafael Torralba eta Pablo Salinas (5km martxa).
- Jauziak: Iker Anaut eta Aritz Zuazo (altuera); Asier Estevez eta Imad Zuhaitz Urrutia (hirukoa); Aitor Fernandez eta Luken Aizpurrua (luzera); Julen Rodriguez (Andre Maria Zuria filiala) eta Mario Estanga (pertika).
- Jaurtiketak: Gonzalo Tamayo eta Bruno Cagigos (pisua); Asier Zarandona eta Bruno Cagigos (diskoa); Aitor Fernández eta Alejandro Esteban (xabalina); Unax Eraso eta Jon Ruiz (mailua).
- Erreleboak: 4x100m (Iker, Alex, Lander eta Imanol) eta 4x400m (Sissoko, Alejandro, Urko eta Markel).
