Unai Arruabarrena senior mailako irabazlea eta Mont de Marsaneko Julie Laux masterra izan dira azkarrenak Txingudi badiako XX. Itsas zeharkaldian. Eguraldi bikainarekin eta marmoka beldurgarririk gabe, parte-hartze handia izan duen probaz baldintza inbidiagarrietan gozatu ahal izan dute kirolariek.
Gizonezkoen proban, Unai Arruabarrenak ez du arazo handirik izan garaipena eskuratzeko, proba 26:16ko denborarekin amaituz. Nabarmentzekoa izan da, baita ere, Pablo Cerro eta Jon Arruabarrena gaztetxoek egindako lana, laugarren eta bostgarren postuak lortu baitituzte, hurrenez hurren.
Emakumezkoen kategorian, berriz, Julie Laux masterra izan da denetan azkarrena. Senior mailan, gainera, Klubeko podium osoa lortu da Nahia Muñoz, Eider Burlada eta Nora del Riori esker. Azkenik, infantil mailako proban ere poztasun handia egon da etxekoentzat, Klubeko bikoizketa lortu baita Esteban Nazabal eta Garazi Azkueren garaipenei esker.
