Irungo Udalak elkarretaratze isila deitu du gaurko, urriak 28, Toledoko probintzian gertatutako tren-istripu larriaren biktimei eta haien senideei elkartasuna adierazteko. Deialdia San Juan plazan izango da, arratsaldeko 20:00etan, eta bost minutuko isilunea gordeko da udaletxearen aurrean.
Deialdi instituzional honen bitartez, udalerriak bere doluminik zintzoena, gertutasuna eta babes osoa helarazi nahi dizkie goizean jazo den tren-hondamendiak jotako pertsona guztiei. Udalak herritarrei dei egin die hitzorduarekin bat egin eta elkartasun ekitaldian parte har dezaten.
