Datorren azaroaren 29an, larunbatean, 10:00etatik 14:00etara, Marrazki eta Pintura Udal Akademian (Fabiola Erregina kalea, 28) naturaren erretratuei buruzko masterclass-a eskainiko du Belen Moreno Zaldibar artistak. 16 urtetik gorako guztiek azaroaren 17tik, astelehenetik, azaroaren 26ra, asteazkenera, arte eman ahal izango dute izena.
Masterclass honen proposamena naturaren hainbat erretratutan oinarritzen da. Parte-hartzaileei emaitzaren beldurrik gabe marrazten lagunduko dieten ariketak egingo dira, berehala eta modu intuitiboan, benetan ikusten duten horretan kontzentratuta. Horrela, beste era batera begiratzean sortzen diren aurkikuntzak aurkituko dira.
Irungo Udaleko Kultura zerbitzuak jakinarazi duenez izen ematea udalaren webgunearen bidez, 22 euroko prezioan, egin beharko da. Tailerrean parte hartzeko ez da beharrezkoa aldez aurreko ezagutzarik izatea. Taldea gutxienez 5 pertsonarekin eta gehienez 15ekin osatuko da. Informazio gehiago nahi izanez gero, harremanetarako telefonoa 606 22 04 17 edo 695 75 29 94 da, eta pinturamargoa@irun.org helbide elektronikora ere idatz daiteke.
Belen Moreno Zaldibar
Arte Ederretan trebatutako eta Erresuma Batuan eskulturan graduondokoa duen diziplinarteko artista honek pintura, eskultura, grabatu eta ilustrazioko tailer eta ikastaroetan parte hartu du. Bere marrazkietan, paisaia liminaletan barneratzen da, non bere pertsonaiak naturarekin bat egiten duten. Azken urteotan ehunka erretratu ere egin ditu kalean, pertsonekiko jakin-min sakonak bultzatuta.
