GazteARTEan Irungo Udaleko Gazteria Zerbitzuak jakinarazi duenez, bihar hasiko da Jolas Fit programako saioetan izena emateko epea. Palmera-Monteron egingo dira saioak, HaurARTEan Fit programaren barruan. 5 eta 7 urte arteko haurrek izango dute lehentasuna, eta guraso eta tutoreek haiekin batera parte hartuko dute.
Sei saiok osatuko dute Jolas Fit programa, otsailetik maiatzera. Saio guztiak 17:30etik 19:00etara izango dira, egun hauetan: otsailaren 12an eta 26an, martxoaren 12an eta 26an, apirilaren 9an eta maiatzaren 7an. Saioetan, ikuspuntu ludiko batetik, emozioak, komunikazioa eta arau eta mugak landuko dira, besteak beste, haurren hizkuntza baliatuz: jolasa.
Familiek, jolas librearen edo jolas zuzenduaren bidez, beren behar espezifikoei erantzuteko zeharkako orientabideak jasoko dituzte, komunikazioa eta gatazken konponketa hobetzen laguntzeko estrategia konkretuak.Bi programa horiek Leyre Canok eta Donna Apellanizek koordinatuko dituzte. Biek ere prestakuntza espezifikoa izango dute arlo horretan, eta adituak izango dira adimen emozionalari, haurrei eta nerabeei dagokienez.
Izen ematea
Interesdunek otsailaren 6ra arte eman dezakete izena, edo toki guztiak bete arte, Udalaren webgunean. 30 pertsona onartuko dira gehienez ere, haurrak barne, eta 3 eta 11 urte bitartekoentzako kontziliazio zerbitzu bat eskainiko da.
HaurARTEan Fit
Guraso eta tutoreentzako entrenamendu programa bat da; gune seguru bat, taldearen esperientzian oinarrituz ikasteko, eguneroko bizitzako egoerak planteatzeko eta berauei erantzuteko tresna eta estrategia eraginkorrak lantzeko.
Familiarteko komunikazioa hobetzen laguntzea du helburu, muga eta arau koherenteak ezartzen irakastea, elkar ezagutzeko gune seguru bat sortzea, eta tailerretan ematen diren ezaupide praktikoak eguneroko bizitzara egokitzeko aukera ematea.
