Irungo Udalak 2025eko Gabon hauetarako udal-zerbitzuen eta bulegoen ordutegia egokitu duela jakinarazi du. Aldaketa horiek gaurtik hasi eta urtarrilaren erdialdera arte izango dute eragina.
Herritarren arreta eta zerbitzu orokorrak
Herritarrentzako Arreta Zerbitzuari (HAZ) dagokionez, abenduaren 24an, 26an, 31n eta urtarrilaren 2an eta 5ean goizez soilik egongo da zabalik (08:00-14:00). Bestalde, urtarrilaren 10ean larunbateko ordutegia izango du. 010 telefono-zerbitzuak ere goizez funtzionatuko du abenduaren 24, 31 eta urtarrilaren 5ean. Nabarmendu behar da abenduaren 25ean eta urtarrilaren 1ean eta 6an bi zerbitzuak itxita egongo direla.
Kultura eta turismoa
Kultur instalazioek ere aldaketak izango dituzte. Oiasso Museoa itxita egongo da egun seinalatuetan (24, 25, 31 eta urtarrilak 1 eta 6). Amaia KZk urtarrilaren 1ean eta 6an itxiko ditu ateak, gainerako egunetan ohiko ordutegiari eutsiz. CBAn, aldiz, ordutegi konplexuagoa izango dute: egun batzuetan ikasketa gela soilik egongo da zabalik eta beste batzuetan ordutegi jarraitua eskainiko dute. CBAk ordutegi jarraitua izango du (09:00-20:00) abenduaren 22, 23, 26, 29, 30ean eta urtarrilaren 2an; aldiz, abenduaren 24, 28, 31n eta urtarrilaren 4an goizez soilik irekiko du ikasketa-gela (09:00-13:00), eta abenduaren 27an, urtarrilaren 3an eta 5ean arratsaldeko zerbitzua ere eskainiko du . Abenduaren 25ean eta urtarrilaren 1ean eta 6an izan ezik.
Kiroldegiak eta mugikortasuna
Kirolzaleek kontuan izan behar dute Artaleku eta Azken Portu kiroldegiak goizez soilik (09:00-14:00) irekiko dutela abenduaren 24an, 28an eta 31n, eta abenduaren 25ean eta urtarrilaren 1ean itxita egongo direla. Mugikortasunari dagokionez, hiriko igogailu eta eskailera mekanikoek zerbitzua luzatuko dute abenduaren 24an eta 31n, goizeko 06:00etatik 01:30era arte martxan egonez.
Administrazio Bulegoak eta Gazteria
Azkenik, Dirubilketa Bulegoa eta Udal Artxiboa itxita egongo dira jaiegun nagusietan, baina gainerako egunetan goizez emango dute zerbitzua. Aipatzekoa da Gazte Informazio Bulegoa (IGazte) itxita egongo dela urtarrilaren 13ra arte. Ohiko ordutegiak urtarrilaren bigarren astetik aurrera berreskuratuko dira zerbitzu guztietan.
