“Irun Zuzenean Etxean” programaren 3. edizioa ostiral honetan egingo da, Kultura arloa eta Men of Rock musika elkartearen arteko elkarlanetik sortutako proiektua. Aurreko bi edizioetan izandako arrakasta ikusita, ekimenak 6 emanaldi berri eskainiko ditu ostiral honetan Instagram sare-sozialaren bitartez jarraitu ahalko direnak. Aste honetako saioaren berezitasuna azken kontzertua sorpresa bat izango da eta, bertan, artista irundar batek abesti berezi bat interpretatuko du hitzordu berezi hau aprobetxatuz.
Kontzertuak arratsaldeko 19:00etan hasiko dira eta Urbil Artola (@Urbilartola) izango da kontzertua ematen lehena. Sorotan Bele taldearekin emandako lehen urratsen ostean, artista ugariekin kolaborazioak egin ditu, gaur egun Howdy taldearen kide izateagatik nabarmentzen bada ere. Ondoren, 19:30etan, Malforta izenarekin sortu berri den taldeko konpositore, gitarra elektriko eta abeslaria den Gorka Santallaren (@GorkaSantalla) txanda izango da. Jarraian, arratsaldeko 20:00tan Antton Violinist (@anttonviolinist) musikariak bere emanaldia eskainiko du biolinaren laguntzaz musika klasikoa, jazz fusion eta bluesa bezalako estiloak elkartuz. 20:30etan, berriz, Cliché (@cliche_oficial_) poprock taldeak markatuko du erritmoa Asier Piera abeslari, Rúben de la Iglesia gitarrarekin eta Ander Sáenz perkusionistaren bitartez, abesti propioak beste artisten abestien bertsioekin tartekatuz. Iñaki Estévez (@esteveznordrock) musikariak bere kontzertua eskainiko du gaueko 21:00etan, Lur Usabiaga aktorearekin Olimpia taldeko kide dena.
Sorpresa
Gaueko 21:30etan @irun_informa profilean hiriko artista berezi baten emanaldia aurreikusita dago. Musikaren munduan etorkizun zabala izango duen artista honek abesti berezi bat interpretatuko du.
Kultura arlotik ekimenean parte hartuko duten artista eta musikari guztien kolaborazioa eskertzen da. Jaialdiaren aurreko edizioan parte hartu duten bakarlari edo taldeen antzeko musikariak dira eta ekimen honen bitartez haien lana eta talentua erakusteko aukera dute.
Ostegunen La Basu
Gazteartean Gazteria arloak La Basu raperoaren kontzertua prestatu du apirilaren 30erako. Kontzertua arratsaldeko 18:00etan hasiko da @gazteartean_irun kontuan eta musikariak entzuleen galderak erantzungo ditu zuzeneko saioan.
