Irungo Udalak, Obra, Mantentze eta Azpiegitura Arloaren bitartez, jakinarazi du martxan direla San Martzial ermitako estalkia eta leihoak berritzeko lanak. Udal-jarduketa honen helburu nagusia hiriko intereseko espazio historiko honen isolamendu termikoa nabarmen hobetzea eta kanpoko elementuak eguneratzea da, herritar guztientzat egoera eta kontserbazio ezin hobean mantentzeko xedez.
Proiektuak egungo estalkia erabat ordezkatzea aurreikusten du, energia-eraginkortasunean eta isolamenduan hobekuntza teknikoak gehituz. Horrekin batera, eraikinaren kanpoko arotzeriak berrituko dira eta leihoen baoak bateratuko dituzte, ermitari itxura arkitektoniko homogeneoagoa emateko. Esku-hartzea borobiltzeko, San Martzial ermitaren kanpoko fatxada guztia margotuko dute lanen amaieran.
Jarduketak 285.904,39 euroko esleipen-aurrekontua du guztira, eta lanak burutzeko aurreikusitako epea hiru hilabetekoa izango da, betiere eguraldiaren baldintzen bilakaerari lotuta. Esku-hartze honekin, Irungo Udalak udal-azpiegiturak eta intereseko guneak zaintzeko eta kontserbatzeko planari jarraipena ematen dio.
