Uraren Mundu Eguna dela eta, Irungo Ekoetxea Txingudik bi proposamen prestatu ditu datorren iganderako, martxoaren 22rako. Ekimen hauen helburu nagusia uraren garrantziaz jabetzea eta etxeetan ohitura jasangarriagoak sustatzea da, modu dibertigarri eta praktikoan.
Magia eta zientzia
Goizeko 11:00etan, familiako kide guztiei zuzendutako “Uraren sekretuak” magia ikuskizuna hasiko da. Hodei Magoaren eskutik, bertaratuek uraren propietateak eta sekretuak ezagutuko dituzte ilusioaren eta esperimentazioaren bidez. Ikuskizun didaktiko honek zientzia eta dibertsioa uztartzen ditu, elementu bizi honen garrantzia modu harrigarrian azpimarratuz.
Toxikorik gabeko etxea
Arratsaldean, 16:00etatik aurrera, helduentzako eta familientzako tailer praktikoa egongo da: “Toxikorik gabeko etxea: ur garbiaren aldeko garbiketa naturala”. Saio honetan, produktu kimiko toxikoak albo batera utzi eta etxea garbitzeko erremedio natural eta ekologikoak nola egin ikasiko dute parte-hartzaileek. Horrela, etxeko ingurunea osasuntsuagoa izateaz gain, isurketen bidez ura kutsatzea ekidingo da.
Bi jarduerak doakoak dira, baina plaza mugatuak dituztenez, beharrezkoa da aldez aurretik izena ematea Ekoetxea sarearen webgune ofizialean edota zentroarekin zuzenean harremanetan jarriz 943 619 389 telefono zenbakian edo info.txingudi@ekoetxea.eus helbide elektronikoan.
