Dunboako Auzo Elkarteak kultur proposamen berezia antolatu du aste honetarako. Datorren ostiralean, ekainak 12, arratsaldeko 19:00etan, Xoan Alonso artista izango da protagonista nagusia elkartearen liburutegian eskainiko duen “Poemas Pentagramados” errezitaldiarekin.
Xoan Alonso ez da arrotza Dunboako Auzo Elkartearentzat, Bidasoko Idazleen Azokaren lehen edizioko poesia errezitaldian parte hartu baitzuen herritarren harrera bikainarekin. Oraingo honetan, ordea, bere proiektu propio eta pertsonalenarekin dator Irunera. Emanaldia bere bizitzan eragin handia izan duten testuetan oinarritzen da, eta gai sakonak jorratuko ditu bertan, hala nola itxaropena eta gerren izugarrikeriatik urrun hemen bizi ahal izateak ematen duen poza eta bakea.
Proposamen artistiko honek hitza eta musika uztartuko ditu eremu oso itxi eta hurbilean. Alonsok bere gitarra espainiarra izango du lagun oholtza gainean, bere olerkiekin erabateko sintoniatik eta komunio perfektutik abiatutako giro lasaia sortzeko. Dunboako Auzo Elkarteak herritar guztiak gonbidatu nahi ditu hitzordu honetara hurbiltzera, jaien atarian musika eta gogoetaz blai egindako arratsalde batez gozatzeko.
