Datorren apirilaren 3an eta 4an, Aste Santuko ostiral eta larunbatean, Irunek kirol hitzordu garrantzitsu bat hartuko du: Irun Futsal Cup IV. Laugarren edizio honetan, txapelketa berrikuntzaz beteta itzuliko da Uranzu Frontoira, hiriko areto futboleko zaleei asteburu ahaztezin bat eskaintzeko asmoz.
Txapelketan gehienez 16 taldek parte hartu ahal izango dute, eta bakoitzak 7 eta 10 jokalari arteko multzoa osatu beharko du. Gainera, parte-hartzaileek 16 urte baino gehiago izan beharko dituzte. Antolakuntzak kalitatea bermatu nahi du jokoan; hori dela eta, kanporaketa saioetan eta fase finalean arbitro federatuak egongo dira partidak zuzentzen.
Kirolaz gain, giro bikaina ziurtatuta egongo da. Jokalari guztiek ura eta fruta izango dute eskura, eta txapelketan zehar argazki erreportajea egingo da une onenak jasotzeko. Sariak ere ez dira faltako: garaikurrez gain, zozketak eta opari bereziak egongo dira babesle ofizialen eskutik. Datozen egunetan iragarriko dira kolaboratzaile horiek eskainiko dituzten sari zehatzak.
Izen-ematea jada zabalik dago talde bakoitzeko 100 euroko prezioan. Plazak mugatuak direnez, interesatuek lehenbailehen eman behar dute izena bide hauetako bat erabiliz: klubaren webgunean, @irunfutsal Intagram kontura mezu zuzen bat bidaliz, irunfutsal@gmail.com posta elektronikora idatziz edo 653 72 62 49 telefono zenbakira deituz.
