“Balance” dokumentala estreinatuko dute Recicla Birziklatuk eta Julen Urtxegik asteburu honetan Ficoban egingo den Be Veggie azokan. Dokumentala abenduaren 9an, larunbatean, estreinatuko da 16:30ean. Proiekzioa eta solasaldia Ficobako auditorian egingo da.
Recicla Birziklaturen sortzaileen bizitza-filosofia islatzen duen dokumentala da “Balance”. Laida Rodriguezek, Rober Sernak eta Gorka Alcantarillak osatzen dute taldea, helburu bera duten hiru pertsona: planeta zaintzea. Aurkituko al dugu gure etxeak merezi duen oreka?
Dokumentalaren aurkezpenean Laida Rodriguezek eta Rober Sernak Recicla Birziklatu elkarteko kideek eta Julen Urtxegik “Balance” dokumentalaren zuzendariak parte hartuko dute.
