Bidasoa xake klubak xake ikastaroen eskaintza berreskuratuko du irailetik aurrera. Horien artean, helduentzako ikastaro bat antolatu dute kluba Lope de Irigoyen kaleko 15. zenbakian duen egoitzan emango dena. Horrela, adin guztietako pertsonek xakearen onurez gozatu ahalko dute.
Helduentzako xake ikastaroaren barnean bi mailako taldeak bereiziko dira: hastapen eta hobekuntza taldeak. Hobekuntza taldeko eskolak astelehenetan emango dira eta hastapen taldekoak berriz, ostiralean. Dena den, jolasteko asmo hutsa dutenek, klubeko bazkide egin daitezke eta astero egiten diren bileretan parte hartzeko edo nahi dutenean jolastera joateko aukera izango dute.
Bidasoa xake klubean hezkuntza-irakaskuntzaren metodoa erabiltzen dute, xakearen bidez gure trebetasunak sustatzean datzana. Horrela, kirol interesgarri hau ikasteaz gain, arreta, memoria, kontzentrazioa, aztertzeko gaitasuna eta sozializazioa garatuko dituzu.
Eskolan izena eman edo informazio gehiago nahi dutenek bidasoaxake@gmail.com helbide elektronikora idatzi edo 943 008 285 telefono zenbakira deitzeko aukera dute.
