Bidasoaldeko M8 Asanblada Feministak biltzar ireki baterako deialdia egin du, azaroaren 25ean (A25), Emakumeenganako Indarkeriaren Aurkako Nazioarteko Egunean, egingo diren ekimenak antolatzeko asmoz. Biltzarra bihar, urriaren 23an, ostegunean, arratsaldeko 18:30ean izango da, Palmera Montero guneko, lehen solairuan.
Bileran A25eko egitaraua zehaztu eta hainbat ekintza prestatzeko lanak abiatuko dituzte.M8 Asanblada Feministak jakinarazi duenez, herriko eragile eta emakumeak gonbidatu nahi dituzte antolaketa lanetan parte hartzera.
Antolatzaileek azpimarratu dutenez, biltzar hau “sekula gehiago egongo ez direnen” alde lan egiteko eta indarkeria matxistaren aurkako borroka indartzeko topagune bat izango da. Deialdia Irun guztira zabaltzen da, norbanako zein taldeak parte hartzera animatuz. M8 Asanbladak bat egiteko gonbita luzatu du, eta gogorarazi du emakumeen aurkako indarkeria ezabatzeko bidean antolaketa eta elkarlana ezinbestekoak direla.
