Ekoetxea Txingudik ‘Uraren bidexkak: Aitzondoko ur-jauzia’ esperientzia gidatua eskainiko du irailaren 19an, larunbatean. Goizeko 10:30etik 13:00etara egingo da ekintza eta, 18 urtetik gorako pertsonentzat. Natura-ingurunea ezagutarazteko eta ingurumen-sentsibilizazioa bultzatzeko asmoz, ekimen honek Aiako Harria Parke Naturalera hurbiltzeko aukera emango die herritarrei, inguruneko ur-baliabideen eta biodibertsitatearen balioa azpimarratuz.
Ibilbidean zehar, parte-hartzaileek Aitzondoko ur-jauzira arteko bidea egingo dute hezitzaileen azalpenak jarraituz. Tokiko flora eta fauna ezagutzeaz gain, urak paisaian eta inguruko historian izandako eragina ere aztertuko da. Ibilbide didaktikoa da, natura-ondarea eta ingurumenaren zaintza uztartzen dituena.
Esperientzia honetan parte hartzeko ezinbestekoa da aldez aurretik izena ematea Ekoetxearen webgune ofizialaren bidez (www.ekoetxea.eus). Plaza mugatuak daudenez, antolatzaileek gomendatzen dute erreserba garaiz egitea eta ibilbideaz gozatzeko oinetako zein janzkera erosoak eramatea.
