Irailaren 24an ospatu zen Minbiziaren Ikerketaren Munduko Egunaren harira, probintziako hainbat herri eta hirietara joan da elkartea, ikerketaren garrantziaren mezua zabaldu ahal izateko. Irailaren 24ko goizean, Minbiziaren Aurka Gipuzkoan elkartea Irungo Colón pasealekuan egon zen, aurreko guztiaren berri emateko hiriko biztanleei.
2 gizonetik 1ek eta 3 emakumetik 1ek minbizia izango dute bizitzan zehar. Horrek esan nahi du 2030ean 2 minutuan behin diagnostiko berri bat egotea espero dela. Testuinguru horretan, minbiziaren ikerketa bultzatzeak lehentasuna izan behar du gizarte osoarentzat.
Elkartearen helburuetako bat 2030. urtean minbizian batez beste %70eko biziraupena gainditzea da. Hori lortzeko, ez da ikerketa-talentua soilik babestu behar, berrikuntza zientifikoaren arloko ikerketa ere sustatu behar da, pazienteei laborategiko emaitzak lortzeko eta bizkortzeko.
Ikerketaren garrantzia
Badakigu, batzuetan, ulertzeko zaila den hizkuntza bat hitz egiten duela ikerketak. Hori dela eta, Minbiziaren Aurka Gipuzkoan elkarteak mezu hau helarazi nahi izan du: aurrerapen berri bakoitzak aukera berriak sortzen ditu minbizia duten paziente askorentzat. Azken finean, minbiziari buruzko ikerketa zientifikoak bizitza gehiago dakar.
