Oier Duhart Dominguez irundarraren ‘Eguna iritsi da’ kartela aukeratu dute 2026ko Sanpedro eta Sanmartzial Jaiak iragartzeko 442 boto jaso ostean. Piezak 1.200 euroko saria eskuratu du, bost finalisten artean herritarrek gehien bozkatu duten lana izan baita. Maiatzaren 4tik 14ra bitartean egindako bozketan 1.586 pertsonak hartu dute parte, iaz baino parte-hartze handiagoa izanez. Cristina Laborda alkateak eta Nuria Alzaga Kultura ordezkariak gaur eman dute irabazlearen berri Udaletxeko Areto Nagusian, artistarekin batera.
Irabazlearen hitzetan, kartelak ekainaren 30ean Irungo etxeetan bizi den emozioa transmititu nahi du, egun handiari aurre egiteko prest dagoen arropa-esekitoki bat irudikatuz. Alkateak adierazi duenez, kartelaren aurkezpena “Sanmartzialen hasieraren aurrerapena” da, hiriarentzat unerik berezienetako batera hurbiltzen ari diren seinale. Bestalde, Maria Jose Blanco Balerdi irundarrak 300 euroko akzesita lortu du ‘Elkarrekin Batera’ izeneko lanarekin.
Lehiaketara aurkeztutako lan guztiak ikusteko aukera egongo da ekainaren 12tik 28ra bitartean egingo den erakusketan. Inaugurazioa ekainaren 12an izango da, 18:00etan, eta ordutegia asteartetik larunbatera (18:00-21:00) eta igande nahiz jaiegunetan (11:30-13:30) izango da. Ekimen honek artisten inplikazioa eta herritarren parte-hartzea balioan jartzea du helburu
