Real Unión klubak Stadium Galen mendeurrenaren (1926-2026) inguruko ospakizun-egitaraua prestatu du asteburu honetarako. Batetik, Carlos Fernández de Casadevante Real Unióneko presidente ohi eta mendeurreneko liburuaren egileak hitzaldia eskainiko du Oiasso Museoan gaur, irailaren 18an, 19:00etan, Stadium Galen 100 urteko historiari eta bilakaerari buruzko xehetasunak gogora ekarriz.
Bestetik, partidaren egunean jaia kalera aterako da zale guztiekin batera ospatzeko. Festa 16:00etan abiatuko da San Juan Plazan egingo den topaketarekin, eta 17:00etan kalejira alai bat egingo da estadiorantz. Ondoren, 18:25ean zaleak zelaira sartuko dira, 18:30ean Ohorezko Aurreskua dantzatu eta 18:40ean ohorezko sakea egiteko, 18:45ean Mirandesen aurkako norgehiagokari hasiera eman aurretik. Real Uniónek etxean jokatuko du asteburu honetan, 1926ko irailaren 19an, zelaiaren inaugurazio egunean egin bezala, federazioari hitzordua etxean jartzea eskatu ostean.
