Euskaraldiaren hasierarekin batera, Ainara Maia idazle irundarrak bere azken liburua, “Oroiminezko Igandeak”, aurkeztuko du azaroaren 20an Irunen. Euskarazko aurkezpena Palmera Montero gunean egingo da, arratsaldeko 18:00etatik aurrera.
Ariketa sozialari hasiera emango dion aurkezpenean parte hartu ahal izateko, ekintzan aurretiaz izena-ematea beharrezkoa izango da. COVID-19ari aurre egiteko segurtasun-neurriak direla-eta, aretoaren edukiera mugatuta egongo da eta izen-ematea egiteko, irun@euskaraldia.eus helbide elektronikora idatzi edo 647 97 58 85 telefono zenbakira deitu beharko da.
