Datorren larunbatean, hilak 27, 19:00etan, “The best of Mozart” Gala ospatuko da Amaia KZn, Wolfgang Amadeus Mozart konpositorea gogoratu eta jendeari hurbiltzeko. Galak Mozarten opera handien eta ospetsuenen laburpen bat eskainiko du aria, duo eta multzo formatuan, opera serioaren, opera buffoaren eta tragédie lyrique delakoaren zenbaki dramatiko zein dibertigarrien segida etengabean.
Galan lau bakarlari handi izango dira, hala nola Naroa Intxausti soprano bilbotarra, Anna Tobella mezzo kataluniarra, Oscar Ore tenore perutarra eta Arturo Pastor baritono alacantarra, Luis Mariano orkestrak lagunduta, eta zuzendaritza musikala José Ferreira Lobo maisu portugaldarraren esku.
Sarrerak
Sarrera 10 eurokoa izango da eta udal webgunean edo Luis Marianoko Turismo Bulegoan bertan edo Amaia KZren beraren leihatilan erosi ahal izango da ikuskizuna hasi baino ordubete lehenago, betiere sarrerak eskuragarri badaude.
Zinema Opera
Zikloarekin jarraituz, hurrengo saioa irailaren 30ean izango da, asteartea, 18:00etan, R. Wagnerren “Lohengrin” operaren bertsio handi batekin. Beti bezala, Amaia KZko hitzaldi aretoan izango da, sarrera doakoa izanik lekua bete arte eta aurkezpena Paquito Saguesek egingo du.
