“ACUBI” Bidasoako Kontsumitzaile eta Erabiltzaileen Elkartea itxita egongo da oporrak direla eta irailaren 1era arte. Oporren ostean, egun horretan hasiko dira berriro ohiko arreta zerbitzua eskaintzen.
Azken kontsulta eta erreklamazioak
Aldi horretan 1072 pertsona artatu dituzte Bidasoaldean, eta kontsulta ohikoenak alokairuarekin loturikoak izan dira, zehazki, 233.Jarraian, argia edo gasarekin loturiko 164 kontsulta jaso dituzte eta 178 jabeen erkidegoekin loturikoak. Banketxeko erakundeekin zerikusia izan dutenak 102izan dira. Hortaz gain, telefonia zerbitzuei buruzkoak 83 izan dira eta aseguruekin loturiko zalantzak 59. Bestetik, gremioen kontratazioarekin loturiko 24 kontsulta jaso dituzte eta 18 ibilgailuen ingurukoak. Etxebizitza erosketarekin zerikusia izan duten kontsultak 16 izan dira. Azkenik, saltokitik kanpoko salmentei loturiko 14 kontsulta erantzun dituzte.
Erreklamazioei dagokienez, 284 erreklamazio erantzun dituzte eta horietako hiru kontsumo arbitrajearen bidez ebatzi behar izan dira. Gai nabarmenen artean alokairuak nabarmentzen dira, horiekin loturiko 49 erreklamazio iritsi baitira. Hala ere, banketxeetako erakundeekin loturik 48 erreklamazio jaso dituzte ere eta argia eta gasa dela eta 44. Telefonia kontuekin loturikoak aldiz 40 izan dira eta jabeen erkidegoetakoak 31.
Hilabete hauetan gehien artatu diren kontsulta/erreklamazioetako bat banketxeei egindako erreklamazioak dira, hipotekaren gastuak itzul ditzaten, eta horrek esan nahi du hipoteka-mailegu bat eskatu zuen pertsona orok erreklamatu ahal izango dituela ordaindu behar izan zituen gastuak, eta erakundeak ordaindu beharko lituzkeela. Erreklamazio horretan eskatzen da notario-ordainsarien % 50 eta erregistroari, gestoriari eta tasazioari dagozkien gastu guztiak itzultzeko, bai eta faktura bakoitzaren interesak ere, ordaindu zirenetik banketxeak zenbatekoa itzuli arte.
Bidasoaldeko bizilagunen argiaren eta gasaren fakturak ere berrikusi dituzte, eta azaldu diegu zergatik batzuetan 800 eurorainoko faktura neurrigabeak ordaindu dituzten, eta nola kontratatu dezaketen hornidura horien tarifa arautua, gaur egun kontsumitzailearentzat onuragarriena dena.
Alokairu-kontsultei erantzuten jarraitzen dute, eta, azken egunotan, agentziak alokairua izapidetzean ematen dituen ordainsarien ordainketari buruzko kontsultak iritsi zaizkie. Orain, legearen arabera, jabeari dagokio, eta ez maizterrari.
Era berean, Bidasoaldeko Kontsumitzaile eta Erabiltzaileen Elkartetik gogora ekarri nahi dute berriki indarrean sartu den araudi berri bat, jada ezin direla dei komertzialak egin. Hau da, ekainaren 29tik aurrera, enpresek ezingo dute dei komertzialik egin aldez aurreko baimenik gabe. Neurri hori Telekomunikazioen Lege Orokorraren 66. Baimena badago bakarrik egin eta jaso daitezke deiak. Baimen hori hainbat modutan lor daiteke: kontratuen, lehiaketen, sare sozialen eta abarren bidez.
Adinekoen zentroetan informazio-jardunaldiak
Hilabete hauetan, halaber, hiriko adinekoen zentroetan informazio-jardunaldiak egiteko aprobetxatu dute. Jardunaldietan bai argiaren eta gasaren fakturen kontzeptuak azaltzeko, bai Euskal Autonomia Erkidegoko Kontsumitzaileen Estatutu berrian agertzen diren berrikuntza garrantzitsuenen berri emateko. Estatutu horretan, ACUBIk alegazioak aurkeztu ahal izan zituen hasierako testuari buruz. Berritasun horien artean dago pertsona kalteberenak babestea zigorrak gogortuz, ostalaritzak erraztu ahal izatea eta jakinarazi ahal izatea kontsumitu gabeko produktuak gure etxera eramateko aukera eta iturriko ura doan emateko aukera, besteak beste, eta oso garrantzitsua da adinekoentzat etxez etxeko salmenta; izan ere, kontsumitzaileak bisita hori bisitaldia baino 48 ordu lehenago baimentzen ez badu, bisita hori ezin da egin, eta baimen hori idatziz eman behar da.
Oporren ostean
Irailetik aurrera, Irungo bulegoetan arreta ematen jarraituko du zerbitzuak, aurrez aurreko kontsultetara zerbitzuko bazkideak bakarrik joan daitezkeelako. Gainera, gogorarazi nahi duten ostegunetan Hondarribian egoten direla, 10:00etatik 13:00etara, eta hileko azken astearteetan 16:00etatik 19:00etara.
Kontsultak ahalik eta azkarren posta elektronikoz erantzungo dituzte irunacubi@gmail.com helbidean.
