Hiriak TAO sistema berreskuratuko du datorren astelehenean, maiatzaren 25ean

Irungo Udaleko Mugikortasun arloak jakinarazi duenez, datorren astelehenean, maiatzaren 25ean, TAO berreskuratuko du hiriak. Sistema hori bertan behera uztea izan zen konfinamenduaren hasieran hartutako lehen erabakietako bat, eta handik bi hilabetera, gutxi gorabehera, hiriko mugikortasun berrirako iragarritako neurrien barruan jarriko da berriro abian.

Hiriko merkataritza-guneetako ibilgailuen txandakatzea hobetzeko helburuarekin itzuli da sistema, denda eta ostalaritza-establezimenduetako jarduerari pixkanaka berrekin ondoren; gainera, Euskadin jada baimenduta dago probintzia bereko herrien artean ibiltzea, datorren astelehenean deskonfinamenduaren 2. fasea sartzea aurreikusten delarik.

Mugikortasun berria

TAO itzultzea da Irungo Udalak aurreikusitako neurrietako bat, hiria deskonfinamenduaren fase berrietara egokitzeko. Eremu horretan hartutako erabakien artean, nabarmentzekoa da espaloiak behar bezain zabalak ez diren merkataritzaguneetan oinezkoentzako guneak zabaltzea, hala nola San Migel eta Pio XII. eremuetako hainbat tokitan, eta ilarek pertsonen arteko urruntzean eragin dezaketen inpaktua ahalik eta gehien murriztea.

Neurri hori hartzearekin batera, Pio Baroja institutuko eta Lekaenea ikastetxeko patioan aparkatzeko aukera eman zaie TAO sistemako bertakoei. Guztira, 150 toki berri prestatu dira bertan, oinekoentzako eremua handitzeko “okupatutako” 62ak ordezteko. Bestalde, aparkatzeko 500 bonu banatu dira Pio XII.a plazako saltokien artean, bezeroek ordubetez doan aparkatzeko plazako aparkalekuan.

Merkataritza-ingurunetik kanpo, oinezkoentzako espazio handiagoa jarriko da Letxunborro etorbidean, Puianaren eta Errotaren arteko errepidearekin bat egiten duen tartean (Ibis hotela). Tarte horretako abiadura-muga 30 km/h-ko abiadurara mugatuko da.

Gainera, Kolon ibilbidea oinezkoentzat da, Iparralde hiribidearen eta Gipuzkoa hiribidearen artean, igandeetan, egun osoan zehar, eta Behobiako errepidearen (Juan Thalamas Labandibar kalean, Bidasoa ibaiaren paraleloan) artean, astelehenetik ostiralera, 20:00etatik 23:00etara, eta larunbat eta igande osoan, autoentzako errei bat itxiko da eta bizikletentzat erreserbatuko da, espaloia oinezkoentzako pasabide gisa lehenesteko.

Bestalde, Ibarlako errepidean, astegunetan, 20:00etatik 23:00etara, eta asteburuetan autoz igaroko dira soilik egoiliarrek, era justifikatuan, eta 10 km/h-ko abiadura mugatua.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude