Irungo Harrera Sareak ropero zerbitzua osatzeko falta dituzten arropa eta bestelako osagarrien zerrenda eguneratua argitaratu du. Horrela, hirira iristen diren migranteei babesaz eta laguntzaz gain, arropa eta beharrezkoak dituzten bestelako gauzak eskaintzen dizkie hiritar sareak.
Sare sozialen bitartez zabaldutako mezuan adierazi dutenez, hauek dira gaur egun faltan nabari dituztenak:
- Mugikorrak.
- Motxilak.
- Txamarrak.
- 40 eta 46 zenbaki arteko zapatilak eta botak.
- 38 eta 42 zenbaki arteko galtzak.
Eskatutako materiala dohaintzan utzi nahi duten horiek, Irungo Kale Nagusiko 14. zenbakian kokatutako roperora hurbildu beharko dira goizeko 10:00etatik eta 12:00etara.
