Konekta zerbitzuak programazio berezia prestatu du udararako. Zehazki, uztaileko hilabetean zehar gazteentzako ekintza ugari antolatu dituzte. Gazteartean zerbitzuaren webgunean antolatutako ekintzen inguruko informazio guztia topatuko duzu.
2023ko Konektaren Udagazteko lehen ekintza uztailaren 8an, larunbatean egingo da. Hondarribiko hondartzan ur motorretan ibiltzeko irteera antolatu da goizeko 11:00etatik 14:30etara eta 10,90 euro ordaindu beharko dira ekintzan parte hartzeko.
Uztailaren 11n, asteartean, 3×3 Saskibaloi txapelketa antolatuko dute Belaskoenea eskolan. 17:00etatik 21:00etara partiduak jokatuko dira. 15 eta 25 urte gazteentzat pentsatutako ekintza izango da.
Uztailaren 15ean, larunbatean, Aquaparkera irteera egingo dute goizeko 9:00etatik arratsaldeko 20:00etara. Autobusa San Juan plazako autobus geltokitik aterako da eta 10,90 euro ordaindu beharko dira.
Uztailaren 18an, asteartean, Hondarribiko hondartzan bolei partiduak jokatzeko elkartuko dira goizeko 10:00etatik 14:00etara. 15 eta 25 urte gazteentzat pentsatutako ekintza izango da.
Uztailaren 22an, larunbatean, Raftingnean eta Paintballean aritzeko irteera egingo dute. Autobusa San Juan plazatik irtengo da goizeko 7:30ean eta 21:00etan itzuliko da. Irteeran parte-hartzeko 10,90 euro ordaindu beharko dira.
Uztailaren 29an, larunbatean, Udako kontzertuak egingo dira Martindozenea parkean arratsaldeko 17:00etatik aurrera.
Antolatutako ekintzen inguruko informazioa eskuratzeko deitu 656794372 telefono zenbakira, idatzi konekta@irun.org edo Instagrameko @gazteartean_Irun kontura.
