Datorren igandean, urtarrilaren 29an, Santiagotarrak-BMko banku mugikorreko arraun taldeak Euskadiko Jaitsiera Txapelketan parte hartuko du, Bidasoa ibaian 09:00etatik aurrera antolatzen den denboraldiko laugarren jaitsieran, Hondarribi A.E.k antolatuta.
Azken urteetan Bidasoa ibaian jokatu den estropadarik handiena izango da, 179 ontzitan 400 arraunlari baino gehiago arituko baitira.
Gipuzkoako Hondarribi, San Juan, Arraun Lagunak, Ur Kirolak, Zarautz eta Orio klubek eta Bizkaiko Getxo, Deustu, Raspas eta Lutxana klubek parte hartuko dute.
Santiagotarrak K.E. banku mugikorreko arraun taldeak 68 kirolarirekin parte hartuko du 22 ontzitan.
