Migratzaileekin lan egiten duten entitateek elkarretaratzea deitu dute otsailaren 4rako, migratzaileen heriotzak eta desagerpenak salatzeko. Elkarretaratzea Behobiako zubian egingo da. Kontzentrazioa arratsaldeko 17:30erako deitu dute.
Migratzaile elkarteek elkarretaratzea deitu dute Mugetan Heriotza Politikaren Aurkako eta Migrazioaren Biktimei Justizia Egiteko Mundu Eguna dela eta. Horrela, elkarretaratzearen bitartez salatu nahi da mugetan hil eta desagertu direnak ez direla “ezbehar batean hil”.
Irungo Harrera Sareak, Ongi Etorri Errefuxiatuak, Bidasoa Etorkinekin eta Etorkinekin Diakité elkarteek deituriko elkarretaratzea izango da. Kontzentrazioko parte-hartzaileak mugaren bi aldeetan elkartuko dira horretarako. Batetik, hegoaldeko elkargunea guardia-postu zaharra izango da, Behobiako bidegorriaren alboan, eta Iparraldeko, aldiz, Bami bankuaren parean, Pausun.
