Datorren asteburuan, maiatzaren 10ean, Santiagotarrak kirol elkarteko banku mugikorreko arraun taldeak Libourneko Nazioarteko Estropadan parte hartuko du. Estropadan 2.000 arraunlari baino gehiagok 500 ontzitan parte hartzea espero da. Santiagotarrak klubeko 77 arraunlarik parte hartuko dute bertan, 19 ontzitan.
Libourneko Nazioarteko Estropada Frantziako hegoaldeko estropadarik garrantzitsuenetako bat da, eta Frantziako banku mugikorreko arraun klub gehienak eta baita Kataluniako eta Euskadiko klubak ere bertan daude.
