Irungo Udaleko Hezkuntza Arloak gogorarazi duenez, gaur, hilak 7, 2024-2025 ikasturterako Irungo ikastetxeetan aurrematrikulatzeko epea hasiko da; bereziki, 2021. eta 2022. urteetan jaiotako haurren aurrematrikulaziorako zuzendutako epea izango da.
Interesa duten guraso eta tutoreek online egin ahalko dute eskaera, Ikasgunea atariaren bidez, edo aurrez aurre, hitzordua eginda, aukeratu duten lehenengo ikastetxean.
Dokumentazio hau entregatu beharko dute:
- Familia liburuaren eta nortasun agiriaren edo atzerritarraren identifikazio zenbakiaren fotokopiak
- Ikaslearen etxeko errolda eta bizikidetza agiria edo familia unitateko kide guztien erroldatze ziurtagiria –Herritarrentzako Arreta Zerbitzuaren kutxazainetan eskuratu daiteke erroldatze ziurtagiria, 08:00etatik 22:00etara bitartean, nortasun agiriaren zenbakia adierazita, edo 010 telefonoan edo Irun Txartelaren bidez–
- Puntuak ematen dituzten zirkunstantziak (minusbaliotasuna, lantokiaren helbidea, familia ugaria) egiaztatzeko dokumentuak
- Gipuzkoako Lurralde Historikotik KANPO egin dutenek BAKARRIK, 2022ko errenta aitorpena
- EAEtik kanpo eskolatutako ikasleen guraso eta tutoreek, haiek egindako ikasketen ziurtagiria
Epeak
Eskabidea eta dagokion dokumentazioa aurkezteko epea otsailaren 7tik bertatik 23ra bitartean izango da. Martxoaren 12an, aurkeztutako eskaeren zerrenda argitaratuko da, eta, 26an, behin-behineko zerrendak. Behin-behineko zerrendak apirilaren 10era arte kontsultatu ahalko dira, eta, bitarte horretan, dagozkion erreklamazioak aurkeztu ere egin ahalko da, lurralde ordezkariaren aurrean, baita eskabidean atzera egiteko eskatu ere. Behin betiko zerrendak apirilaren 26tik maiatzaren 30era arte egongo dira ikusgai, eta Hezkuntzako lurralde ordezkariak esleitzen dituen tokien zerrendak apirilaren 29an kaleratuko dira. Behin betiko zerrenden kontrako gorako errekurtsoak maiatzaren 30era bitartean jarri ahalko dira, lurralde ordezkariaren aurrean.
Ikasgunea atarian kontsultatu ahalko dira zerrendak, baita ikastetxeetan ere, aurrez aurre.
Gomendioak
Ikastetxe batean 2 urteko gelan matrikulatuta dauden eta ikastetxe berean segitzen duten haurrei lekua gordeko zaie, eta, beraz, ez da beharrezkoa aurrematrikula egitea. Bestalde, eskabidea egun batean edo bestean aurkeztu, horrek ez du eraginik izango balorazioan: aurrematrikulak irizpide berei jarraikiz barematuko dira, lehenengo egunean aurkeztu zein azken egunean aurkeztu.
Azkenik, Eusko Jaurlaritzako Hezkuntza Sailak zehartuko du ikastetxe bakoitzean zenbat toki gordeko diren hezkuntzan berariazko laguntza premiak dituzten ikasleentzat. Hezkuntza Sailaren webgunean kontsultatu daiteke ikasleak onartzeko prozesuari buruzko araudia.
Bisitak ikastetxeetara
Irungo Udaleko Hezkuntza Sailak bisitak antolatu ditu hiriko ikastetxeetara, familiek bertatik bertara ezagutu ahal izan ditzaten ikastetxe bakoitzeko irakasle eta instalazioak.
Hona hemen informazio guztia:
| BISITAK/VISITAS | |
| Ikastetxea / Centro escolar | Eguna/Día – Ordua/Hora |
| CEIP BELASKOENEA HLHI www.belaskoenea.hezkuntza.net 943 627 595 | Otsailak 20 febrero – 17:00HHko eraikina / Edificio EI |
| CEIP DUNBOA HLHIwww.dunboahlhi.hezkuntza.net 943 899 329 | Otsailak 6 febrero – 16:45HHko eraikina / Edificio EI |
| CEIP EGUZKITZA HLHIwww.eguzkitza.hezkuntza.net 943 899 161 | Otsailak 5 (euskaraz) – 17:00 6 febrero (castellano) – 17:00 Telefonoz edo webgunean, izena eman behar da / Reserva plaza por teléfono o página web |
| CEIP ELATZETA HLHIwww.elatzetaikastetxea.net 943 899 345 | Urtarrilak 30 enero – 16:15 Otsailak 1 febrero – 16:15 Telefonoz edo aurrez aurre, izena eman behar da / Reserva plaza por teléfono o presencial |
| CEIP LEKAENEA HLHIwww.lekaenealhi.hezkuntza.net 943 899 159 | Hitzorduarekin / Cita previa Bisita pertsonalizatuak / Personalizadas |
| CEIP TOKI-ALAI HLHIwww.tokialai.eus 943 899 124 | Urtarrilak 30 enero Palmera-Montero (José Antonio Loidi 25) – 17:00 Arbes (Alzukaitz 2) – 18:00 |
| CEIP TXINGUDI IKASTOLA HLHIwww.txingudikastola.hezkuntza.net 943 894 000 | Otsailak 14 (euskaraz) – 16:30 15 febrero (castellano) – 16:30 |
| CPEI ERAIN TXIKI HHIPeraintxiki@eraintxiki.com 943 627 111 | Otsailak 1 febrero – 09:00 eta/y 14:45 Banako bisitak ere bai, hitzorduarekin / También individualizadas, con cita previa |
| CPEIPS EL PILAR HLBHIPwww.elpilarikastetxea.org 943 621 700 | Urtarrilak 27 enero – goizez / por la mañana Otsailak 3 febrero – goizez / por la mañana Banako bisitak ere bai, hitzorduarekin / También individualizadas, con cita previa |
| CPEIPS IRUNGO LA SALLE HLBHIPwww.irungolasalle.eus 943 628 411 | DBH/ESO Otsailak 6 febrero – 17: 00 Banako bisitak ere bai, hitzorduarekin / También individualizadas, con cita previa HH eta LH / EI y EP Banako bisitak ere bai, hitzorduarekin / También individualizadas, con cita previa |
| CPEIPS SAN VICENTE DE PAUL HLBHIPwww.sanvicenteirun.com 943 619 990 | Ateak irekitzeko jardunaldia / Puertas abiertas Urtarrilak 24 enero – 17: 00 Familientzako tailerrak / Talleres para familias Otsailak 3 febrero – 10: 00 Banako bisitak ere bai, hitzorduarekin / También individualizadas, con cita previa |
