Irungo Anaka Kofradia Kultur Elkarteak bere urteko kapitulua egin zuen azaroaren 16an. Edizio honetan Hondarribira joan ziren eta aukeratutako agertokia Batzoki Jatetxea izan zen. Bertan, kofradia lagunetako ordezkariak hartu zituzten eta Ohorezko Kofradiakide berriak tronuratu zituzten anaitasun bazkari alai batean.
Bazkariaren aurretik, bertaratutakoek Hondarribiko alde zaharrean zehar bisita gidatu interesgarriaz gozatu ahal izan zuten.
Tronuratze ekitaldian Txeska Escalerok eta Jon Aragonek aurkezle lanak egin zituzten gaztelaniaz, euskaraz eta frantsesez. Zin egin aurretik, kofradiakide berriek, Fernando de la Hera Galarzak eta Josema Azpeitia Salvadorrek, “Irungo Tortilla” dastatu behar izan zuten. Iñaki Gezala sukaldariak aurkezpen original batekin harritu zituen guztiak: aurrez prestatutako osagaiak (onddoak, Baionako urdaiazpikoa, piperrak, tipula, baratxuria eta perrexila) arrautza egosi batekin estalita, eta, beraz, mahaikideek, kofradiakideek eta gonbidatuek beren tortilla egin behar izan zuten, dena kontu handiz nahastuz. Joxemari Irastorza, Anaka Kofradiaren ereserkiaren sortzaile denak, inmnoa jo zuen, Felipe Izquierdok lagunduta.
Anaka Kofradiaz gainera, ekitaldian parte hartu zuten, “Cofradia del Esparrago de Navarra”, “Cofradia de la Anchoa del Cantabrico de Donostia”, “Asociación Cultural 31 de Agosto de Donostia”, Ordiziako Idiazabal Gazteren Kofradia, 1813 San Martzial Bigarren Guduaren Elkartea, Biriatuko Bidasoako Sagardozaleen Kofradia, “Cofradia de los Nabos de la Foz de Morcin”, “Cofradia del Relleno de Navarra” eta “Cofradia de la Nécora de Noja”
Ohorezko kofradiakide berriak
Fernando de la Hera Galarza
Irunen jaio zen 1968an, eta Arte Ederretan lizentziatu zen, ikus-entzunezkoen espezialitatean, Leioako EHUn, eta argazkilari profesionala da.
Tokiko beste kazetari batzuekin batera, lehenengo tokiko telebista jarri zuen martxan, Txingudi Telebista.
1997an El Diario Vasco egunkariarekin kolaboratzen hasi zen. Hedabide horrentzat ikus-entzunezko erreportaje ugari egiten ditu, beste enpresa batzuentzat ez ezik.
2002. urteaz geroztik, Taupadak GKEko presidentea da, eta haren helburua Boliviako Amazoniako herri indigenen aldarrikapenei laguntzea da, garapenerako proiektuen bidez haientzat lurraldea eta duintasuna eskatuz. Sentsibilizazio-ekintzak egitea Euskadin, herri haietako errealitatea ezagutarazteko.
Josema Azpeitia Salvador
Ama irundarrekoa, Legazpin jaio zen 1969an. Kazetaritzan lizentziaduna da Euskal Herriko Unibertsitatean.
Hizlaria, gastronomia-aholkularia eta lehiaketa gastronomikoetako epaimahaia da, eta sari eta aintzatespen ugari jaso ditu nazioartean, besteak beste, Eusko Jaurlaritzaren bi Euskadi Gastronomia Sari, kazetaritza-lan onenari dagozkionak.
ZUM Edizioak enpresaren sortzailea, “Ondojan.com” hilabetekaria koordinatzen lan egiten duena. Halaber, Donosti Aisia eta Gida aldizkariak koordinatzen ditu, eta horretarako testuak egiten jarraitzen du.
Euskal Gastronomiaren Teoriako irakaslea izan zen Donostiako Basque Culinary Centerren.
Sukaldaritzako eta pintxoetako hainbat liburu idatzi ditu, eta horietako batzuk frantsesera, ingelesera eta euskarara itzuli ditu.
