Santiagotarrak klubeko Nerea Garcíak denboraldiari amaiera eman dio Milanen (Italia) jokatu den Sprinteko Munduko Txapelketan, 15. postua lortuz K1 200 metroko proban. Txapelketa honetan munduko piraguista onenak biltzen dira urtero, eta horrek are balio handiagoa ematen dio lortutako emaitzari.
Udaberrian nahi zituen emaitzak lortu ez bazituen ere, Nerea Garcíak ez zuen etsi eta entrenatzen jarraitu zuen. Erresilientzia horri esker, K1 200 metroko proban Munduko Txapelketarako txartela eskuratu zuen, Espainiako Txapelketan bigarren postua lortuta.
Txapelketan bere parte-hartzea ostegunean hasi zen, eta laugarren postua lortu zuen proba kanporatzaileetan, horrela zuzenean finalerdietara igaroz. Finalerdian, B Finalerako sailkapena lortu zuen eta, azkenean, seigarren postuan amaitu zuen bertan. Ondorioz, munduko 15. postua lortu zuen. Hasieran egindako lanak fruiturik ematen ez zuela zirudien arren, Nerea Garcíak udan argi utzi du bere ahalegina ondo bideratuta zegoela.
