Irungo Udalak, Kultura zerbitzuaren bitartez, jakinarazi du jada ireki dela 2026ko San Pedro eta San Martzial jaietan salmenta postu ibiltariak eta food truck-ak jartzeko eskaerak aurkezteko epea. Aurten, Luis Marianoren lorategietan salmenta ibiltaria egingo duten postuak ekainaren 12tik uztailaren 1era bitartean egongo dira martxan. Bestalde, Istillaga plazan bi food truck jarriko dira, eta horiek ekainaren 25, 26 eta 27an gauzatu ahal izango dute beren jarduera.
Interesatuek maiatzaren 8ra arte izango dute eskaerak aurkezteko aukera. Izapidea udalaren webgunearen bitartez edo Herritarrentzako Arreta Zerbitzuan (HAZ) egin daiteke. Halaber, informazio gehiago nahi izanez gero edo tramitea telefonoz egin nahi bada, 010 zenbakira edo 943 50 51 52ra deitu daiteke, non beharrezko xehetasun guztiak emango diren.
Esleipena
Behin eskaerak aurkezteko epea amaituta, lanpostuen esleipena zozketa publiko bidez egingo da. Zozketa hori 2026ko maiatzaren 20an izango da, 13:00etan, Urdanibia plazako 6. zenbakian dagoen Hitzaldi Aretoan.
