Irungo Bidasoa LHII Institutuak teknologia eta ondarea uztartu ditu proiektu berritzaile batean. Ikastetxeak dituen CMZ torno berriak eta erreminta motorizatuak erabiliz, Porsche 911 klasiko baten llantak mekanizatu dituzte ikasleek eta irakasleek. “Retrofit” prozesu baten bidez, ibilgailu historiko bati punta-puntako teknologia gehitu diote, ondare automobilistikoa eta fabrikazio aurreratua eskutik joan daitekeela frogatuz.
Proiektu honek ikasleei erronka erreal bati aurre egiteko aukera eman die, doitasun handiko industria-makineria erabiliz automobilgintzaren altxor honi bizitza berria emateko. Eskola-ingurunean maila honetako tresnekin lan egiteak ikasleen trebakuntza indartzen du, lan-munduak gaur egun eskatzen duen bikaintasunera hurbilduz.
Bidasoa Institutuaren egunerokoan “teoriatik praktikara” igarotzea funtsezkoa da, eta kasu honetan, praktikaren bidez lan-munduko eskakizun altuenetara bideratu dituzte gazteak. Ekimen honek Irungo eragile eta ondarearekin elkarlanean aritzeko zentroak duen konpromisoa eta gaitasun teknologikoa azpimarratzen ditu.
