Super Amara BAT elkarteak (Inmobiliaria Urme Txingudi Korrikaren antolatzaile gisa) eta Saint Jean de Luz Ciboure Athlétisme nahiz Pays Basque Athlétisme elkarteek (Donibaneko Bost lasterketaren bultzatzaileak) indarrak batu dituzte bi kirol-ekitaldien arteko sinergiak sortzeko. Elkarlan honen helburu nagusia atletismoa eta ohitura osasuntsuak sustatzea da, korrikalariei 5 kilometroko probalditik 10 kilometroko distantziarako jauzi egiteko aukera eta ibilbide progresiboa eskainiz.
Horrela, lehen hitzordua irailaren 20an izango da Donibane Lohizunen, Donibaneko Bost lasterketaren bigarren edizioarekin. Frantziako Atletismo Federazioak (FFA) homologatutako 5 kilometroko ibilbide honek ez du desnibelik eta oso azkarra da, marka pertsonalak bilatzeko zein lehen lasterketan parte hartzeko aproposa. Gainera, 10 eta 13 urte bitarteko gazteentzat “Le Tremplin” proba (1,2 km) jokatuko da. Izena emateko epea zabalik dago njuko.com plataforman.
Bigarren urratsa urriaren 4an iritsiko da, Inmobiliaria Urme Txingudi Korrikaren 27. edizioarekin. Mugaz gaindiko 10 kilometroko ibilbide homologatu honek (RFEA) Hendaia, Irun eta Hondarribia lotuko ditu Txingudiko badiaren inguruan. Izena ematea zabalik dago urriaren 2ra arte Kirolprobak atarian. Halaber, harrobia zaintzeko asmoz, urriaren 3an (larunbata) Txingudi Korrika Txiki egingo da Gal Stadiumeko eranskinean, 1 eta 13 urte bitarteko haurrentzat.
