Datorren irailaren 26an “Sagarfest 2026” jaia ospatuko da Irunen, Sagarrek-en eskutik sagarraren eta sagardoaren kultura erdigunean jartzeko helburuarekin. Topaketa honetan gastronomia, zuzeneko musika, giro bikaina eta adin guztiei bideratutako jarduerak bilduko dira, herritarrei esperientzia parte-hartzaile eta oso bat eskaintzeko asmoz.
Eskaintzen den sarrerak hainbat abantaila eta jarduera jasotzen ditu bere baitan: 5 txotx sagardo, pintxo bat, sagar-baratzea modu librean ezagutzeko aukera, helduentzako zein haurrentzako tailerrak, musika emanaldiak eta merkatu kulturala. Horrez gain, bertaratzen direnek janaria eta edaria erosteko aukera ere izango dute esparruan bertan.
Sarreren prezioa 13 eurokoa da helduentzat eta 6,50 eurokoa haurrentzat. Jaialdiari buruzko xehetasun guztiak kontsultatzeko zein sarrerak aldez aurretik erosteko, webgune ofiziala ([sagarrek.com/sagarfest](https://sagarrek.com/sagarfest)) jarri da herritarren eskura.
