Minbiziaren Aurka Gipuzkoan elkarteak prest dauka 2026ko azken seihilerako jarduera-egitaraua Bidasoa eskualdean. Irungo egoitzatik (Fueros kalea, 4) zein online formatuan, elkarteak doako arreta soziala eta psikologikoa, material ortopedikoaren mailegua zein erretzeari uzteko terapiak eskaintzen jarraitzen du, eta ikasturte berriarekin batera paziente, senide zein herritar guztientzako egitarau zabala osatu du.
Antolatutako ekimenen artean, irailaren 23an erretzeari uzteko online taldea abiatuko da 11:00etan. Horrez gain, irailaren 30ean sexualitateari buruzko tailerra egingo da Fueros kaleko egoitzan (11:00etan), eta egun berean nikotina kontsumitzeko modu berriei buruzko saioak hasiko dira hezitzaile nahiz irakasleentzat online formatuan. Urriaren 1ean, ‘Lasai josten’ babes-kuxin lantegia (18:00etan) eta gurasoei zuzendutako nikotina-kontsumoaren inguruko online saioak eskainiko dira. Azkenik, urriaren 16an ‘Euskadi minbiziaren aurka’ IV. Kongresua ospatuko da 09:00etatik aurrera.
Jarduera guztiak erabat doakoak dira eta ez da ezinbestekoa elkarteko bazkide izatea parte hartu ahal izateko. Hala ere, aldez aurretik izena ematea eskatzen da 943 45 77 22 telefonora deituz, gipuzkoa@contraelcancer.es helbidera mezu bat bidaliz edo elkartearen webgune ofizialaren bidez.
