Artiako Auzo Elkarteak jaietako egitarau osoa eta ordutegiak jakinarazi ditu, urriaren 2tik 11ra bitartean auzoan festa giroa nagusitu dadin. Ekitaldiak ostiral honetan, urriak 2, abiatuko dira 18:00etan Bidasoako Txarangarekin zein erraldoi eta buruhandien kalejirarekin (Pio Barojatik Portu plazara), eta 19:30etik aurrera ‘ENE 21’ taldearen Djfesta izango da Portu plazan.
Larunbatean, urriak 3, egun osoko egitaraua egongo da: 09:00etan arrantza lehiaketa Behobiako bidean, 10:00etan patata-tortilla lehiaketa, 11:30ean eta 12:00etan toka jokaldiak, 14:00etan herri paella Lázaroren akordeoi-soinuarekin, 17:00etan Tute txapelketa Gure Etxea tabernan, eta 18:30ean tardeoa Portu plazan.
Lehen asteburua igandean, urriak 4, osatuko da: 10:00etan Marmitako lehiaketa, 10:30ean ping-pong txapelketa, 11:30ean altxorren bilaketa haurrentzat, 12:00etan herri poteoa Atsegiña Txarangarekin, 13:00etan ipuin-kontaketa eta 17:00etan Mus txapelketa.
Hurrengo astean gehiago
Datorren astean, urriaren 6an (asteartea), 17:00etan zentzumen-tailerra egingo da Kuttuna Haur Eskolan eta 18:30ean Karate erakustaldia Portu plazan. Azken asteburuak indar berria hartuko du; larunbatean, urriak 10, 10:00etan margoketa lehiaketa abiatuko da, eta goizean zehar bigarren eskuko azoka, Disneyren birsortzea zein Berto Magoaren ikuskizuna (13:00) izango dira. Arratsaldean, 14:00etako herri barbakoaren ondoren, bingo musikala (16:00), txokolatada, trentza-tailerra (16:30) eta Oihan Vega DJaren saioa (17:30) egingo dira Portu plazan. Jaiak urriaren 11n amaituko dira 09:30eko ibilaldi arautuarekin, 12:30eko meza zein herri luncharekin, eta 17:00etako Truk txapelketarekin.
Artiako Auzo Elkarteak argitu du ez duela bere gain hartuko jai astean gerta litezkeen istripuen erantzukizunik. Halaber, programa edozein jardueratan ordutegiak aldatu edo ekintzak bertan behera uzteko ahalmena du.
