Datozen egunetan, Irunek mota guztietako jarduerak hartuko ditu Gau Beltza eta Halloween dela eta, auzo elkarteen, gaztelekuen eta tokiko eragileen ekimenez. Ume zein gazteentzat prestatutako egitarau honek jolasak, tailerrak, ikuskizunak eta beldurrezko esperientzia bereziak bilduko ditu hiriko hainbat txokotan.
Gaur, urriak 28, Elitxu Lapitzeko Auzo Elkarteak (Euskal-Herria hiribidea, 23-25) emango dio hasiera jai-giroari. Arratsaldeko 17:00etatik 19:00etara “Arimen Gaueko Jolasak” izeneko festa infantilaz gozatzeko aukera egongo da, eta parte-hartzaileei mozorroa jantzita gerturatzeko deia egin diete.
Urriaren 31ko jarduerak
Auzo ugarik eta gaztelekuek ekintza bereziak antolatu dituzte urriaren 31rako, larunbata. Aldapeta, Erdialdeko Auzo Elkartea, Aldapeta kalean, 18:00etan “Gau Beltza” ipuin-kontalaria egongo da, 18:30ean merienda eta 19:00etatik aurrera Iñigo DJaren musika.
Dunboako Auzo Elkartean (Martxoak 8 kalea, 4) 18:00etan mozorro festa, pasarela desfilea eta 5 opari-baleren zozketa egingo dira. Jarraian, 18:15ean, Patata Tropikala taldearen Zapata Gorriak haur-antzerkia ikusi ahalko da, eta 19:00etan merienda banatuko da (plazak mugatuak dira).
Alde Zaharra – San Juan auzo elkarteak Jesus kalean kokaturiko auzo elkartean, 17:00etan kalabaza beldurgarriak egingo dituzte (parte-hartzaile bakoitzak bere kalabaza ekarri behar du), 17:30ean eskulanak egongo dira eta 18:00etan ginkana bat abiatuko da.
Urdanibia Jarduera egitarau zabala prestatuko dute. 12:00etatik 13:00etara aurpegi-margotzea, eskulanak eta tatuajeak egingo dituzte, eta 13:00etan bingo-poteoa egongo da. Arratsaldean, 17:00etatik 19:00etara, “Gozokia ala izutu” (truco o trato) ibilbidea egingo da Ehiera plazatik abiatuta. Horrez gain, 3 eta 10 urte arteko umeak dituzten familientzat Gauaren Sekretua ikuskizuna eskainiko da lau emanaldian (16:30, 17:20, 18:05 eta 19:20; sarrera 2 €).
Artiako Gaztelekua 12 urtetik gorako gazteentzat “La ciudad apocalipsis” Escape Room-a antolatu dute hiru txandatan doan: 18:00etan, 18:45ean eta 19:30ean. Aurretik izena ematea beharrezkoa da gazteleku_artia@irun.org edo +34 681 94 67 98.
Marrubi goxoki dendak ere festa antolatu du eta ekintzak antolatu ditu dendaren ingurunean arratsaldeko 18:00etatik 21:00etara.
Irungo Santiagoko Deabruak elkarteak antolatuta, urriaren 31n Gau Beltza eta Halloween ospatuko dira Irunen. Ekitaldia arratsaldeko 20:00etan abiatuko dira elkartearen egoitzatik (Arbesko Errota 16) eta, musikaz eta pertsonaiaz girotutako kalejirak Bidasoko kaleetan barrena ibiliko da (Juan Vollmer plaza, Nafarroa hiribidea eta Kolon pasealekua zeharkatuz), 20:30ean Zabaltza plazara iritsi aurretik. Bertan, gaueko festari amaiera emateko, DJa, edabeak, photocalla eta hainbat ezusteko beldurgarri egongo dira bertaratzen diren guztientzat.
Urriaren 31n, larunbatarekin, Santiagoko Deabruek Gau Beltza ospatzeko desfilea egingo dute, eta, Irungo Udalak Udaltzaingoaren bidez jakinarazi duenez, aldaketak izango dira zirkulazioan. Desfilea 20:00etan hasiko da, eta ibilbide hau egingo du: Arbesko Errota kalea, Nagore Laffage plaza, Ricardo Alberdi zumardia, Nafarroa hiribidea, Colón ibilbidea eta Zabaltza plaza. Aurreikuspenen arabera, 20:45ean iritsiko da helmugara. Zirkulazioa ez da etengo: desfileko parte hartzaileak pasatzeko beharrezkoak diren etenak bakarrik egingo dira, ibilbidean erdialderantz doazen ibilgailuak geldiarazita. Udaltzaingoak eskerrak ematen dizkie herritarrei beren laguntzagatik, eta, bide batez, aipatutako orduetan ibilgailua erabili behar badute ondo planifikatzeko eskatzen die.
Azaroan ere jarraipena
Festa ez da urriarekin amaituko. Azaroaren 1ean, Urdanibian zine familiarra egongo da eta Coco filma proiektatuko dute krispetekin 16:30ean. Bestalde, azaroaren 7an, Martindozenea Gaztelekuak 15 eta 18 urte bitarteko gazteentzako irteera bat antolatu du VREAL-ZERO LATENCY zentrora, errealitate birtualean beldurrezko esperientzia bat bizitzeko 18:00etan, 4,30 euroan.
