Alberto ‘Tito’ Díaz Bidasoa Irun taldeko jokalariari ebakuntza egin diote astearte honetan Donostiako Pakea Klinikan. Javier De la Fuente traumatologoak ebakuntza egin dio madrildarrak Egiako Nazioarteko Txapelketako Helvetia Anaitasunaren aurkako partidan izandako Aurreko Lotailu Gurutzatuaren haustura tratatzeko.
Ebakuntza, Ricardo Jiménez CD Bidasoako doktorearen hitzetan, “gorabeherarik gabe” igaro da. Díazek asteazken honetan alta jaso dezake eta, medikuak aurreratu duenez, “lehen egunetan ariketa sinpleak” egin ostean, Bidasoa Iruneko jokalariak bi aste barru ekingo dio errehabilitazioari Irunen.
