Irungo Udaleko Kirol arloak jakinarazi du Artaleku kiroldegiko instalazioetan beste hobekuntza batzuk egingo direla, ondorio horretara iritsi baita Kirol ManagemenT SLU enpresak hiriko kirol-ekipamenduak aztertu eta haien diagnostikoa egin ondoren.
Azterketa eta diagnostiko horren arabera, gimnasioaren eta ariketa gidatuen aretoen metro karratuak handitu beharra dago.
Aurrekontu parte-hartzaileen esparruan “Artalekuko gimnasioko instalazioak hobetzea” proiektua onetsi zela kontuan hartuta, Irungo Udalak denbora darama proiektua gauzatzeko dauden aukerak aztertzen.
Hori dela eta, kiroldegiko gimnasio-espazioa handitu egingo da, eta, horretarako, entrenamendu funtzionalerako gune bat prestatuko da. Era berean, gainerako pistetako biren tarima osorik birmoldatuko da aurten bertan, eta gainerakoa ere birmoldatzea aurreikusita dago.
